 放大圖片
■王君馨出席主演的舞台劇發佈會。
香港文匯報訊（記者 植植）王君馨（Grace）昨日現身西九龍中心出席主演的舞台劇《蒲2.0》發佈會，同場還有楊淇、鄧穎芝等。君馨表示是首次參演舞台劇，故心情有少許緊張。問到台上有鋼管舞的設備，會否大顯身手？Grace表示不會，會由奪得香港鋼管舞冠軍的Melody作表演。她又表示於舞台劇內會跳五隻舞：「啱啱排完第三隻舞，今次應該會畀到觀眾新鮮感，唔用對白去表達內心世界，用舞蹈去表達。」
王君馨說：「有兩日仲要喺晏晝一個騷，夜晚一個騷，成個騷要差唔多兩個鐘，最尾仲要唱歌，首歌難度都高，所以導演叫我要識邊場留力同就住把聲。但我一上台就唔識留力，佢就話我做到第四場就知，我們總共有6場戲，會在上環文娛中心演出，係我出世的地方，也是第一次在TVB拍劇的地方，覺得好有緣分同好巧妙。我好感恩係公司特登度期畀我嘗試，fans都話好掛住我在《舞動奇蹟》跳勁舞，今次有機會啦，舞台劇好唔同，我好期待觀眾即時反應，話畀我聽邊度做得好同唔好。」
|
放大圖片
