香港文匯報訊 王菲同謝霆鋒世紀復合後，最近屢傳兩人好事近將會在不丹結婚，但只聞樓梯響。近日內地媒體就拍得兩人北京夜會，晚上拖手做運動。當晚王菲同謝霆鋒同樣穿上運動裝，街頭散步拍拖，兩人邊行邊拖手，再度上演「世紀拖手」一幕，一身黑色的王菲戴埋黑口罩cool爆，霆鋒並不時回望王菲，表現黐纏。王菲大女兒竇靖童錄影電視節目時，被問到媽媽王菲同謝霆鋒在北京被影到十指緊扣，竇靖童只係傻傻地笑一下，沒正面回答。咁會唔會支持王菲再婚呀？竇靖童好直率咁話：「我無所謂。」
