 放大圖片
■ Super Girls昨日為ViuTV節目錄影。
香港文匯報訊（記者 梁靜儀）Super Girls（SG）昨日為ViuTV節目《煮畀BB食》錄影，三位男主持鍾健威、陳子豐及虞逸峰各使出冧招搏取她們歡心。經常呻好dry的五女笑言今次是前來相睇，不過三個男仔當中，鍾健威已名草有主。
提到前晚她們到蘭桂坊慶祝曾志偉生日，其間遇上一名老外在她們面前除褲，Heidi指自己已立即擰轉臉，她表示家人有問她有冇事，怕她被老外的舉動嚇倒。Aka指當時對方突然跳出來，邊跳邊除褲，好似還想有動作。前晚未有在場的Cheronna就失望的說：「好失望，錯過呢一幕，想睇到隊員的反應，之前睇七人欖球賽都見過人裸跑，又在旺角見過露體狂，但當時係背對住。」談到此事Yanny就最淡定，她謂覺得對方是貪玩，但為免助長對方的行為，所以當時她刻意忍笑。她又說小時候曾見過變態露體狂：「小學時行日資百貨公司，有個男人用雜誌掩住下體，之後拎開問我睇唔睇，（有無報警？） 無報警，佢就走開咗。」
|
放大圖片
