 放大圖片
■楊千嬅透露兒子Torres快將升讀K2，現正為搵學校問題而煩惱。
香港文匯報訊（記者 梁靜儀）楊千嬅昨日聯同《五個小孩的校長》導演關信輝、編劇張佩瓊、呂麗紅校長昨日到理工大學出席「塑造品格 共創未來」計劃啟動禮，台上千嬅分享為兒子丁進諾（Torres）升小學問題感煩惱，導演關信輝分享母親患癌經過時，更一度感觸落淚。大會又送上蛋糕為主禮嘉賓之一的財政司司長曾俊華慶祝生日。
千嬅接受訪問時透露兒子Torres快將升讀K2，現正為搵學校問題而煩惱。千嬅表示現在世界唔同了，搵學校要考慮好多因素，她說： 「現在小朋友容易被標籤，學校無理由淨係教天生聽話及say yes的人，有些所謂頑皮小朋友，只係我唔識用方法同他們溝通同唔了解他們，所以他們有情緒表達就被列入曳，咁就好慘，我都研究緊點教。」呂校長指品德是要教，但小朋友多些好奇是好的，這樣才有創作力。
問到兒子創作力方面如何？千嬅說：「相信個仔容易被標籤，佢創作力非常澎湃，不過佢係算乖，只係好多情緒表達。」問到兒子返學會否緊張到嘔吐？她說：「我個仔遺傳自阿媽的耐力，會比較成熟，會表達，現在四歲，仲係BB，都會扭計喊，有時鍾意掟嘢，後來睇書至知原來是發洩情緒。」千嬅又指因兒子屬龍，所以搵學校競爭大，但她是不會放棄的，亦不會被人動搖到自己的信念，而她亦不同意贏在起跑線這句話，因自覺四十多歲仲有起跑線。
提到老闆林建岳的「雲吞麵」言論，千嬅反問：「仲講緊咩？我不知道，沒留意，呢排搞緊個仔的學業，等我研究，下次話你知。」
|
放大圖片
