文匯精選：駿明珍寶增程現真身

放大圖片

有消息傳出下季會�鬗E月三日開鑼，咁早開鑼，當然因為與加賽有關，下季馬會計劃加多五日賽期，所以賽事迫住有咁早得咁早跑，雖然立法會仲未正式通過，但馬會申請得，應該有番咁上下把握。不過，今次揀九月三日跑，踏正係星期六，有別以往專揀周日，周日開鑼馬迷經已習慣晒，且投注額有保證，呢次揀周六開鑼，顯然馬會係有苦衷的，經過查核，有消息指係避開競選活動。早於二○一二年度�黻貝u，亦有同類情況出現過，馬會避開與競選活動爭人，亦讓步周末舉行賽事，所以大家留意一下，下季將會九月三日周末開鑼，�鰫O度預先張揚一下，等大家有個心理準備。

馬季如果開得早，其實對�羉C熱馬房更有利，點解好似逆思維咁，其實道理好簡單，慢熱馬房跑到季尾成績一定有番咁上下，如果暑期縮短�驉A以今季為例，七月中收操，下個馬季八月二十七日舉行嘉年華試閘，在此之前，各晨操或試大閘經已早一個月展開，大家計計數，八月二十七日減一個月準備期，即七月廿七日全面進行快工夫考驗，七月中話收爐，其實馬房只得一個禮拜停頓，換句說話，好多馬都依然有水準，慢熱馬房冇得抖，早開鑼咁咪等於益到佢�]。蔡約翰肯定係其中一個受惠者，正如呢次日賽，第四班「駿明珍寶」，有質素卻明顯唔係一隻短途馬，初出跑谷草一千米上名，俾�鱄蚇鬮惜j家，最近開始原形畢露，落腳慢需要路程增速，所以今次有四班千二米都唔跑，再度增程二百米列陣，父系所贏路程由千六至二千米，蔡約翰咁快替呢隻馬增程，顯然心中有數，而莫雷拉再次接番手呢隻馬，肯定亦有信心。呢類有質素慢熱馬，跑到季中打後階段，倉主要交代，所以唔使理隻馬係咪初次跑呢個千四路程，只要雷神肯騎上去，可放心追捧。