 放大圖片
■秦沛和姜文杰父子兵上陣拍戲。
香港文匯報訊 由姜文杰 (Benji)及其父親秦沛合演之內地公路電影《我的1000萬》於上周五上畫，Benji負責曲詞監之電影主題曲《在一起》MV則在上周四發佈，豈料上載不足24小時，QQ(騰訊)點擊率竟然高達令人難以置信的2.8億，同時間正在昆明做電影宣傳Benji得悉消息，真係嚇到O嘴，之後定過神來就忍唔住爆喊。
這部戲於去年在雲南取景拍攝，亦是Benji首次出任男主角，其實多年來他一直堅持靠自己，不想因父之名而獲取工作機會，至於今次為何破例父子合作，Benji說：「之前經理人提議話搵埋我老豆一齊拍，我係抗拒，直至我媽咪在加拿大打電話俾我，話阿爸入行六十幾年，𠵱家都七十歲，第日唔知有冇機會兩仔爺一齊拍戲，阿爸唔知幾時退休㗎，咁我諗諗下又係。我由細開始，阿爸於香港同加拿大兩邊飛工作賺錢，我在加拿大長大，好少同阿爸見面，尤其入行呢十幾年都冇好好同佢做過事，所以我覺得呢次係一個機會可以彌補父子相處時間。」
|
放大圖片
