 放大圖片
■林峯的個唱前晚結束，他的「弗」爆身形相當吸引。
香港文匯報訊（記者 梁靜儀 ）林峯於紅館的一連三場演唱會，前晚尾場已圓滿結束，當晚有去捧場的包括吳卓羲、黃百鳴、堂妹林夏薇與老公及林峯的弟弟等。當晚繼續落力演出的阿峯，在台上表示結束這次演唱會後，他就會去拍劇同拍電影，並在年底開始準備明年的巡唱。
完騷後，林峯隨即出席慶功宴，提到他頭場整傷手指流血後，之後網上又流傳他撞親頭的短片，阿峯澄清沒有撞親頭：「梗係唔係啦，完全冇。我有睇到報道，其實我只係心急落台換衫，『呯』一聲係因為舞台急速降落，有心有心。冇事，完全無受傷，完騷我仲開會。(女友有無呵返？)好小事咋，唔需要擔心，總算圓滿結束，都值得。」
為了今次個唱減了廿多磅的阿峯，笑謂最期待是翌日可以食餐好，最想飲返罐汽水。雖然如此，他都想盡量keep住個身形，因明年要做巡唱，所以日後飲食都會健康一點，不能太放任。
燒摩打取消倒吊
談到尾場並沒有凌空倒吊的環節，林峯解釋因在首晚演出後，出現技術上的問題，摩打燒了搶修無效，結果被迫取消。阿峯說：「可以同山頂朋友近距離接觸，已算達成咗心願。」
對於首場演唱會撞正黎明演唱會，焦點全都落在後者的事件上，阿峯表示觀眾感到高興便成。「我開騷，最重要係希望每一場都爆滿，所有支持我嘅朋友都嚟晒。身邊朋友都問我有冇可能入去睇，自己都唔能夠滿足晒身邊朋友嘅要求，已經meet到target。每一個artist都有支持自己嘅人，我好開心每一晚入場嘅觀眾都有surprise，滿足到佢哋，最緊要出來嘅成果係超乎我嘅想像。」
女友嫌騷得太少
完成個唱後，林峯將會參演劇集及電影，年底又要準備明年的巡迴演出。他又透露正接洽一個很有突破的事件，但暫時未能宣佈，問到是否跟女友吳千語結婚？阿峯即時否認，並謂不會那麼快。他又稱如果要做巡唱，就要保持健美身形到明年。問他女友看完這次的個唱有何評價？阿峯說：「佢話要騷多啲俾人睇，（女友好大方？）應該嘅！」
|
放大圖片
