|
今季成績甚佳嘅田泰安，早前往車公廟拜神，上周末賽事又有頭馬進帳，贏得季內第四十三場頭馬，今次快活谷夜賽田泰安將乘勝追擊，有機會連場數胡。
「勝風」剛戰由田泰安策騎角逐快活谷二千二百米，跑得一席第三名，今仗縮程在千八米再戰，田泰安說：「此匹八歲年長馬踏入季尾狀態仍保持得好好，剛戰上三班雖然對手實力增強，但以牠的質素是有力一爭，原本有贏馬機會，可惜運氣不濟，在陣上受阻而失位，影響演出，能夠與頭馬相距不太遠，力保一席位置，算交出應有水準，落敗無話可說，今仗路程縮短四百米亦適合發揮，期望有好運氣，在陣上沒有擠阻，發揮出應有水準，是有機會收復失地。」
剛戰角逐谷草四班一哩，以冷門贏得季內首場勝仗嘅「珍珠有利」，今仗在同程再上陣，田泰安說：「過去曾策騎馬兒出賽多次，上仗是今季首次策騎，賽前對馬匹的信心只屬一般，因為近績唔係太好，能夠有好表現，主因是實力馬表現失準才有機可乘，而且在前領放沒有馬匹緊迫，越走越順佔到先機，復課狀態冇走樣，今場對手唔算太強，希望乘勇可以執多場。」
|
