 放大圖片
■劉嘉玲強調自己是一個奉公守法的人。彭子文 攝
香港文匯報訊（記者 李慶全、梁靜儀）劉嘉玲、楊千嬅、陳奕迅(Eason)、徐濠縈、林峯、吳千語、劉心悠及何超盈等，昨晚到沙田香港文化博物館出席領賢慈善基金會慈善晚宴「Monet，Monet」，晚宴是與法國五月《他鄉情韻-克勞德·莫奈作品展》文化活動聯合推出，而鍾鎮濤與兩名女兒鍾懿及鍾幗擔任表演嘉賓。近日「巴拿馬文件」資料庫披露，劉嘉玲曾擔任英屬處女島(BVI)註冊公司CHEERS MORE HOLDINGS的中介人，嘉玲對此強調自己是個非常奉公守法的人。
領賢慈善基金會創辦人及主席張王幼倫表示，晚宴以花園為主題，筵開廿多圍。她表示活動未有受到經濟差而有影響賣枱，可能只有廿幾圍，故有很多後補，而基金會亦會推出兩本畫冊，一本是雙語讀物及一本填色畫冊。
近日「巴拿馬文件」資料庫披露，劉嘉玲曾於2002年至2007年期間，曾擔任英屬處女島(BVI)註冊公司CHEERS MORE HOLDINGS的中介人，昨晚嘉玲被問到此事，她最初反問：「巴拿馬係咩？」當記者向她解釋後，她就說：「我無留意新聞，(財務如何管理？ )我有交畀BVI公司做財務安排，我唔希望這些新聞帶到去唔正確的方向，變成非法咁，我的財務有正常的安排，交畀會計同律師處理，一陣會再了解。」嘉玲強調自己是個非常奉公守法的人。問到嘉玲可知自己有多少身家？她說：「真係唔知，唔知有幾多個零，創造中，但我可以隨時退休，我有信心，但退休可以做咩？ (可以相夫？ ) 相緊啦，一邊相，一邊做，工作令我擴闊視野及好開心，證明自己的表現，有時工作唔係為賺錢，只係想學多啲嘢，拎多啲經驗。」
千語代馬天佑說好話
吳千語昨晚偕同男友林峯一齊出席，對於早前周刊拍到馬天佑當街小解，千語負責睇水，問到男友林峯可有為此而嬲？千語說：「男友同馬天佑情同姊妹，無嬲。」她又謂當日已知被偷拍，她也有同男友講返，男友興奮反問幾時刊登？她指報道刊登後，馬天佑已經被很多人轟，又被網民拿來玩，令他很尷尬。問到以後出街會否檢點些？千語說：「當時真係搵唔到廁所，所以佢叫我遮住，(你咁瘦點遮？ ) 無諗過畀人影到，當時係背對背，所以無尷尬，唔通要佢瀨條褲咩？人生第一次被人要求咁做。(假如男友要求呢？) 男友一定唔會，一定忍住，如果佢咁樣做一定多人望，馬天佑就比較隨意些。」
楊千嬅表示稍後會拍《春嬌3》及賀歲片。日前母親節，千嬅表示同媽咪、奶奶及兒子一起慶祝，兒子見到她好興奮，但雙子座的他好有性格，當她張開雙手準備抱他時，他卻掉低公仔走開，隔一輪才讓她抱。她笑說：「估唔到父母有性格，個仔都有性格。」
Eason讚竇靖童有型
擔任活動大使的Eason，偕同太太一起到來，問到女兒康堤可有接觸藝術？Eason表示女兒喜歡音樂及睇戲。唱功了得的他又可會開班教唱歌？他說： 「無咁諗，自己未有文憑，最多都係同人分享，自己只識表達。」談到王菲的女兒竇靖童(童童) 加入樂壇，Eason指女兒同童童有時都會見面，但童童經常不在港，都想兩個多交流。他又稱想同童童合唱：「但廣東話童童未必想唱，我覺得童童好正，有型，(有阿菲的影子？) 都有㗎，以前阿菲唱過英文歌，童童唱英文歌咬字及發音都似外國人。」Eason自言有時都想唱英文歌過癮，但因為英文歌不是最重要的市場，如果要出英文歌碟就要自己出錢投資。對於童童的性取向被談論，Eason認為這些都是新聞，香港讀者對這些特別有興趣，個心又怕醜又要聽。問到假如康堤多女性朋友會怎樣？他說：「就算同性朋友都係正常，無所謂，自己選擇自己的路，心靈上的溝通重要些，軀殼同肉體唔重要，但這話題易引起人的興趣，但唔係最重要問題。」
|
放大圖片
