 放大圖片
今晚快活谷跑八場賽事，以全闊A跑道作賽，頭場晚上七時十五分開跑，全晚設有兩場錦標，分別係法國賽馬會盃及法國五月盃。馬房方面，蘇保羅派出兩匹新勝馬列陣，並有不少近績好之馬配合，似是有心出擊搏殺，值得重視。騎師方面，小師妹蔣嘉琦已連贏六個賽日，要留意動態。
第一場、第五班、一○○○米。「高山威龍」近兩季均能夠交出頭馬，今季已跑獲四亞兩季，以一匹七歲馬而言，成績已不算差。看大前仗在蔡明紹胯下跑谷草五班一千米，排七檔出閘後即居於前列，最後不敵「八運」跑第二；上仗原庄人馬再臨，排一檔慳位殺上再跑第二名，反映狀態仍勇，搏開未贏戰意十足，屬三甲之材。
第二場、第五班、一八○○米。「鼓浪飛星」在二月中喺谷草千八米贏馬，前仗增程跑谷草二千二亦得第五所負不多；上仗轉戰泥地千八也走得接近，今次回師千八贏馬途程對手實力爾爾，只要交出水準，可穩入三甲。
第三場、第四班､一二○○米。「線路神駒」馬有長途血統但尚未養成氣量，同時跑短途流於均速，至今出賽兩季十戰仍未出頭好可能與此有關。上仗配韋達出戰田草千二，五檔起步搶出守好位，放到拉士百餘米遇上「魅力之子」行過式衝刺力保Q腳，落敗非戰之罪，而今次回師谷草千二途程有根據，加上已冇「魅力之子」這類超級分子，只要發揮出水準有望叩響勝門。
第四場、第四班、一二○○米。「越跑越好」上季五戰無功，今季評四十五分居四班起步，至今七戰共得三亞一季，成績均在谷草千二米取得。查馬匹前仗配韋達初跑泥地千二，排九檔形勢不利下追回一席第七，負於頭馬「執子之手」兩個半馬位，但其實本身末段造廿二秒九四屬全組第二快時間；上次練者安排重返此程，韋達亦發揮出色，可惜終點前影相僅負「多多勁驥」，拚後所見勇況未減，今仗再爭此程坐位望贏冇難度。
第五場、第三班、一二○○米。「御綵」（圖1號）前仗跑同程敗在超級馬「活力小駒」蹄下獲亞，該役排大外檔，結果放棄頭段來跑仍後追上名；上次排七檔對牠必有幫助，起步後跟守馬群中間位置，不過入彎時兜出外疊打衝鋒蝕位太多，最後只追回一席第三。今次練者再報谷草千二誓師，環看對手並不太強，再配合方廄季尾攻勢，當有優先捧場之道。
第六場、第四班、一六五○米。「索咖啡」今季改投方嘉柏馬房只在田草一哩取得一季軍，該役杜利萊沿途守好位，入直路鬥到拉士一百眼見突圍而出，豈料終點前數駒從外撲上，最後只跑得一席季軍；上仗再跑沿途居中走勢點到即止，今次練者打王牌揀谷草一哩上陣，翻查上季尾跑過此程曾走近，足證今仗渡江來者不善。
第七場、第三班、一八○○米。「蓮花巨星」接近季尾歸隊性質轉投大摩，接手後即報爭田草二千，用愛將貝湯美出戰，結果力戰後追取得亞軍；上仗用到雷神執韁縮爭千八，鞍上人亦發揮水準，可惜鬥拉士影相輸鼻位不敵「紅白」未竟全功。而今渡江爭千八只負輕磅誓師，捧場信心亦會比上次強，有力補中。
第八場、第三班、一二○○米。「光芒再現」蘇保羅用人唯親尤其關照愛將潘頓，此駒今季七戰谷草千二米，得三冠一亞一季一殿，而升至三班後四戰得兩冠一亞一殿，證明本身夠班有餘，以目前的氣勢及勇態，有機會更上一層樓，晉身二班行列，以上仗喺黏地上入直路力騎殺低「摯友無敵」水準計，今仗仍留在三班打滾，當有力再勝。
|
放大圖片
