 放大圖片
■許秋怡與王書麒結婚十三年恩愛如昔。
香港文匯報訊 許秋怡早於上世紀九十年代便到內地登台，憑《現代愛情故事》一曲長唱長有，仍大受歡迎；王書麒10歲開始做童星，從此一直在娛樂圈發展，星途經歷了高低起伏。近日，許秋怡及王書麒接受有線《星級會客室》專訪，與汪曼玲分享內地登台的苦與樂。
許秋怡於內地登台一直深受歡迎，工作可謂接過不停，有指她坐擁過億身家，對此她堅決否認：「益生菌就有過億！佢哋只係計我收入，但無計開支。」她與丈夫王書麒唱遍大江南北，王書麒表示當中有苦有樂，「台上唱歌嘅滿足感係即時性，開心之餘又可以賺錢，不過以前都試過做完嘢收唔到錢，或者收到假錢。」許秋怡更因經常乘長途車到偏遠地方而患坐骨神經痛，「有次我坐咗十八個鐘車由深圳去江西，真係呢一世都記得！」現時愈來愈多藝人北上發展，二人卻不怕被淘汰，許秋怡解釋說：「喺內地發展都有廿幾年，儲咗過千個經紀嘅聯絡，我哋唔會改電話，佢哋隨時搵到我哋。」
為子幸福願入住老人院
王書麒於童星時期收入甚豐，可惜後來星途未見順利，接拍過幾套三級電影，原來是許秋怡鼓勵他這樣做，「佢係一個演員，唔應該諗咁多，而且我信任佢為人老實。如果連佢身邊最親嘅人都唔支持佢，佢做咩都會好大壓力。」
二人結婚十三年，許秋怡甜蜜表示：「佢去外地工作時，我一個電話都唔會打畀佢，反而係佢打畀我多。相反我去內地工作，佢每日都打成廿個電話畀我，擔心我一個女仔有危險。」相處多年難免有所爭執，許秋怡總怪責對方不會道歉，王書麒笑言：「我每次一講『對唔住』，佢就叫我『行開，唔好以為道歉就得』。」
而雙親的相繼離世對許秋怡造成不能磨滅的痛，她忍不住哽咽道：「我當年有產後抑鬱症，媽媽發現乳房有硬塊，但唔敢同我講，直至等我生完囝囝先去醫，可惜已經太遲，我感覺自己係殺人兇手。」二人對十三歲的兒子寵愛有加，許秋怡更早已計劃好將來，「我同書麒講將來一定要對新抱好好，而且我哋老咗會住老人院，因為囝囝始終有自己家庭，唔想佢咁辛苦照顧我哋。」
|
放大圖片
