 放大圖片
香港文匯報訊（記者 植植）近日和楊明拍拖的莊思明（Lisa）昨日去到屯門跟艾威、林熹瞳、張松枝及林聞恩等為電影《囧到洛杉磯》拍攝煞科戲。吉隆坡之行主要係探男友楊明班之餘，順道探埋父母。思明無正面回應父母見到新男友感覺如何，只表示每次返屋企父母都好開心，問到媽咪對男友印象如何？佢話：「唔知呀，幾好啦。(畀男友幾多分時？)好高分，最欣賞佢對我。」
再投入愛河，Lisa表示跟男友係認認真真發展，公司又無阻止。至於何時結婚就交由男友回應，Lisa透露自己會儲錢結婚，跟男友錫錫成雜誌封面，Lisa稱父母未知佢呢件事，日後自己行為會檢點少少，佢笑言：「可能遲些會不停放閃，等大家唔會大驚小怪。」
艾威首任男主角無壓力
另外，入行多年艾威首次擔任男主角，佢自言無壓力，反而令身兼監製、編劇及演員的林熹瞳感壓力，因為自己唔夠靚，林熹瞳透露兩人於對稿期間發生不少爭拗，好彩兩人埋位後又無事。今次戲中張文慈飾演自己老婆，艾威笑指林熹瞳沒有加入兩人親熱戲份令佢感可惜，而早前曾到美國取景近一個月，艾威笑指感覺似打入荷里活市場，林熹瞳坦言在美國拍攝過程中獲益良多，見識到好多當地拍電影技術。
至於曾和2人合作拍《愛．回家》的朱慧敏到電台受訪，朱慧敏恭喜對方：「咁咪好，阿明係好仔，Lisa都係好女仔，希望2人會開花結果，兩個都係專一同用心維繫感情的人，都玩夠啦。」問到會否覺得是拍《愛．回家》時撻着？ 朱慧敏就表示沒有可能，因為當時兩人都有另一半。
|
放大圖片
