■周永恒偕同女友否認分手傳聞。香港文匯報訊（記者 梁靜儀）周永恒（Roy）近日被指與女友黃芊詠（Cherie）分手，不過阿Roy昨日就偕同女友Cherie出席電影《男神最痛》發佈會暨《尋找女神》真人騷啟動禮，否認分手傳聞。
阿Roy昨日以電影公司業務總經理身份，與女友及電影公司執行董事梁奕藍一起接受訪問。問到女主角人選，梁奕藍表示稍後會經過海選選出來，又否認黃榕及陳綺雯是內定女主角。問到阿Roy近日傳他與女友分手消息，他說：「我媽咪話有好多用佢（女友）張相、名嘅人add佢，呢一、兩個禮拜有四、五個Cherie出現，（你係咪有四、五個女友？）係我又唔拘，週刊嘅嘢我控制唔到，盡量集中返工作上。」
說到為何他與女友的對罵截圖會流出？Roy否認道：「我哋都冇嗰啲對話，肯定唔係我哋。」之後又搭住女友說：「雖然佢有陣時唔聽話，畢竟我又大佢一段年紀，有時好似師父咁，但又未至於去到咁，我唔想回應太多，畀人借來做宣傳。」
稱沒再吸毒現擁腹肌
說到對話中涉及吸毒，阿Roy說：「個記者打來，我叫佢摷返2004年啲嘢嚟睇，有邊個唔知我細個嘅時候犯過毒品嘅錯誤？全香港都知，來來去去都係嗰啲，一係話同女朋友嗌交，一係就話毒品，我諗係時候講電影、夢想，（沒有再掂毒品？）我八嚿腹肌，點會掂嗰啲嘢？唔需要，好多嘢做，好忙。」他又稱與女友感情無變，事實擺在眼前，阻止不到別人怎樣睇。
Cherie被問到可有為分手報道不開心？她說：「咁又無，都唔係事實，我點解要唔開心？」Roy指女友性格好強，好適合做娛樂圈，有時他面對傳媒壓力，女友會反過來安慰他。問到公司會否力捧女友？阿Roy笑謂本人都力捧她。