香港文匯報訊（記者 植植）《海底奇兵2》（Finding Dory）將相隔13年推出，故事發生在上集的一年後，小丑魚馬倫（Marlin）與兒子MO仔（Nemo），陪老友多莉（Dory）遠赴加州海岸線尋親，聯同一班新朋友，齊齊經歷一場刺激的海底大冒險。電影更邀得劉青雲及毛舜筠這對皇牌配音組合回歸，二度聲演馬倫和多莉！
當提到自己聲演的角色多莉，毛姐鬼馬地表示：「我覺得自己同多莉一樣，患有短暫失憶！成日都好無記性！試過有一次明明嬲緊一個人，但下一秒又不記得，照跟他傾偈。所以我決定不再嬲人，因為嬲來都無用。」相反，青雲則笑指自己好有記性，所以千萬不要得罪他！提起小丑魚馬倫，青雲認為自己似足牠一樣感性，更搞笑地表示：「其實馬倫經常喊，不過在海中大家看不到牠的眼淚而已。」
毛姐視今次演出為突破：「我平日說話都算快吧！但學多莉說話要快多3倍！今次除了要不停說話，更要唱歌，可算是一大突破！」青雲聽後都相當捧場，大讚毛姐天分高，今次終於可以發揮歌唱潛質！