九龍灣迷你倉四級大火焚燒多時，至今起火原因未明，有網民在facebook群組「淘大時昌迷你倉大火苦主大聯盟」發文，指懷疑有一家人在三樓倉內偷電以至煮食，建議其他目擊苦主留名提供資料，又指這可能是重要的證據。
有苦主回覆指，最近一個星期「次次都見」，更說：「開晒枱同辣（雞）整野（嘢），仲開摺床瞓，小朋友開枱做功課。」亦有人貼懷疑迷你倉內的相片，一名男童站在倉門外，走廊也有摺枱，之後有人確認他們是樓主指的一家人。
事件在討論區引起熱議，當中有網民指如事件屬實，懷疑是次火警可能與那家人有關，並指「有人當劏房住」，豈料其後更有另一名網民自稱曾在迷你倉居住，指當時沒有通風，「得幾把牛角扇，我搬走時就仲未無(有)冷氣」，描述得繪聲繪影，言論令網民匪夷所思，指「真係有人住迷你倉架（㗎）？之前以為咁細間會連訓（瞓）都訓（瞓）唔到。」