■左起：Bobby、修哥、定欣對新劇收視滿懷信心。香港文匯報訊（記者 梁靜儀）歐陽震華（Bobby）、胡定欣、呂慧儀、胡楓（修哥）及羅蘭等，昨日到將軍澳出席新劇《一屋老友記》宣傳。修哥與定欣不約而同指Bobby是收視福將，對該劇收視充滿信心，不過Bobby卻稱修哥應憑此劇提名最佳男主角，他自己反而提名男配角。
歐陽震華與胡定欣一組推門出場時，定欣起飛腳踢門而出，幾乎撞到站在門邊的呂慧儀及修哥。台上，一眾藝人大玩遊戲，修哥大讚Bobby是劇中的「開心鬼」又是福將，收視高開都要靠他。
Bobby與定欣一起受訪，二人皆表示對該劇收視充滿信心，定欣指Bobby是福將，要沾對方旺氣。Bobby笑說：「我哋都係第一次合作，但拍得好開心，我跟修哥學到好多，佢應提名最佳男主角，我就提名男配角，都想有進步，想攞到『飛躍進步獎』!」此時修哥剛巧路過說：「我一生人都無乜衰嘢，但同Bobby合作後就學到講不文粗口，係佢教壞我。」Bobby就笑指修哥衰靚仔。他又透露無綫正斟洽他拍五十周年長劇，他都有興趣，但要看時間。
呂慧儀選校要近屋企
另外，呂慧儀於無綫節目《沒有起跑線？》內，被幼稚園男生求婚，她笑說：「我心亂如麻啦，都唔知畀咩反應佢，我個仔第時唔可以求婚，佢外形早熟，但內心仲係一個BB。」自言不是「虎媽」的慧儀，只想為兒子減輕壓力，所以只為他報讀了兩間幼稚園，最終揀了近屋企一間，還要只返半日學，不想小朋友舟車勞頓。