伍詠薇早前請來好友袁詠儀（靚靚）擔任其主持的節目《伍姑娘真識食》嘉賓。伍詠薇和袁詠儀分別是亞姐和港姐，看似大纜都扯唔埋，卻因為一部電影，讓二人成為一世朋友。靚靚笑言當年曾看不起亞姐出身的伍詠薇：「當年拍《姊妹情深》，阿旦（鄭丹瑞）同我講伍詠薇會飾演我姊妹，我心諗『吓？佢亞視㗎喎，同我一齊拍？』誰不知一拍即合，好似鬼上身咁，從此愛上伍姑娘，甩唔到身。」靚靚坦言最愛伍姑娘夠率真，無機心。
靚靚和老公張智霖（Chilam）對魔童寵愛有加，她坦言在誕下魔童後不久，曾患上半年產後抑鬱。「當時對好小事都好敏感，咩都睇唔順眼，成日同Chilam大吵大鬧。記得有一次佢嬲到砰門走咗去，我先發覺佢真係忍得好辛苦，感到婚姻出現危機，於是我決定唔再逃避，正視自己嘅問題。」她特別感激Chilam多年的照顧和體諒，更笑言現在的生活屬滿分，已無慾無求。