■馬德鐘親手餵主持人試食。馬德鐘投資開設日本餐廳，不過馬德鐘強調自己並無大想頭到搖身想做飲食大亨，開餐廳純粹實現亡父遺願，並以開餐廳為名，聯誼六兄弟姐妹為實。
向來鮮談家事的馬德鐘，接受有線娛樂新聞訪問時，不諱言本身因是孻仔，向來盡得家人厚愛。長大後眾兄妹各有所忙，太太便成為他最大的支持，他抵死地說：「尤其係經濟上，因為同佢有直接關係！」話雖如是，馬德鐘給太太100分，自己則謙稱60分，尚有進步空間。
馬德鐘曾經也捱過不少苦日子，他不諱言：「有好幾年都要借錢交租，試過去搬貨，跟車，每日搵多二、三百蚊，即使後來做左男一，都只係有名無實，每個月得幾千蚊人工！」他最記得有次被同事叫請食飯，「佢哋叫男主角夾幾千蚊出來，哈，畀完我成個月點算呀？」成名之後緊隨而來的是緋聞，他坦言以前會對負面傳聞感生氣，後來才懂得處之淡然，他笑道：「每個演員都有㗎啦，唔係緋聞，就係傳人品唔好，或者對工作人員態度差等，諗通咗，覺得做返自己咪得囉！」