香港文匯報訊（記者 植植）前日網上驚傳余文樂與電台DJ阮小儀公開戀情的文章，昨早當事人樂仔在網上上載「床照」急澄清，更無奈笑說連其母親都打來追問，他還對小儀喊話道：「如果我過幾年都找不到對象的話，我們就真的在一起吧。」
前日網上流傳現年34歲的余文樂和45歲的阮小儀撻着，指二人已承認戀情，樂仔更聲稱欣賞對方的廚藝。昨早9時多，樂仔上載一張「床照」，相中的樂仔滿臉鬍鬚，明顯剛睡醒，更呈現「O嘴」狀態，並留言回應姊弟戀緋聞：「今天早上起來，竟然收到很多朋友的訊息，一打開發現全都是問我同樣的問題！！！就連我媽都打來問我，我第一個感覺就是......（笑臉符號）只能說我真的年紀開始大了，大家真的很擔心我感情沒有着落！！！小儀如果我過幾年都找不到對象的話，我們就真的在一起吧！！！」
女主角小儀亦在網上回應：「嘩，睇返啲相，我咁攬法，係過分咗！對唔住咁多位，我以後唔會㗎嘞......（不過，有啲係佢哋攬我㗎喂！）」
小儀昨早在電台開咪時，亦有回應事件否認戀情，笑言成為了網絡大紅人，連多年拍檔森美也問她傳聞真假：「尋晚有朋友send嚟，開始有朋友問係咪要叫我『樂嫂』？我先睇篇新聞，先睇到嘩，咁大件事，再夜啲好多唔熟嘅朋友都message我，我覺得成件事幾好笑，佢哋賜咗個余文樂畀我，好好笑。我都有睇到網上啲人嘅回應，佢哋話『真係90歲唔死都有新聞』，有啲就好勵志話『人生真係滿希望，我哋唔好放棄，姊妹』，發覺原來我做咗件好事，所以今次賺咗好多，係開心嘅。」
小儀自爆男廁gathering
小儀又透露與樂仔雖然認識，但不太相熟，她笑說：「有次佢打籃球比賽，我去睇佢打，然後就入去男廁男更衣室，男廁gathering，訪問佢哋一班男仔，但拍嘢就冇試過。」被問到與樂仔長遠發展可OK？小儀直言會考慮，又指曾近距離見過樂仔，覺得他很charm（有魅力）。
另說到樂仔在網上回應謂如果過幾年他都找不到對象，他們就在一起，對此，小儀笑說：「余文樂，唔使過幾年啦！𠵱家啦，come on baby！我哋一齊啦！」最後，她更不覺意爆出樂仔感情有啲嘢：「首先，今次新聞如果騷擾到你真係唔好意思，我知道你最近感情生活有啲嘢，如果有機會你可以關心吓我，絕對歡迎！」