■香香示範射籃。香港文匯報訊（記者 梁靜儀）岑麗香（香香）與陳偉琪（Vicky）昨日到將軍澳出席《街籃當入樽》開球禮，兩人更大展球技。香香表示小學時期因生得高，是籃球隊的中鋒，但中學就已做籃球隊的經理人，她笑說：「即係做『阿四』，要斟水、執波等。」她笑言因為要去不同學校做「阿四」，都見到很多型男。
清減了不少的香香否認是因見不到男友強強所致， 只因自己有做運動，男友也沒說她瘦了：「唔好提佢咁多啦！ 有肉地係好啲，之後我會食餐好！」
有傳鍾嘉欣已在加拿大誕下B女，身為嘉欣好友的香香，表示之前已否認傳聞， 又稱留待對方自己公佈：「我無期返加拿大， 9月都返唔到去，最重要係BB健康，無論仔定女都要肥肥白白， 好似米芝蓮咁，（會否做契媽？）等嘉欣邀請， 唔想主動問而令嘉欣尷尬，我唔介意做， 但不會厚面皮去問！」 說到如果一班姊妹9月份飛去探嘉欣並爭做契媽， 豈不是沒她份？香香笑說一定不會爭做：「或者我們一字排開， 等BB自己爬去，爬到邊個就邊個做契媽！（但你9月唔去？） 所以應該唔係我。」
向來熱愛籃球的Vicky，對於花式籃球完全不懂，希望學完後可以在隊友面前型些。她有份拍攝的旅遊節目《 3日2夜》昨晚播出，她謂節目中不只着重騷身材，並成功挑戰了畏高。