■黃翠如表示曾跟魔術師甄澤權學魔術。香港文匯報訊（記者 梁靜儀）黃翠如昨日聯同魔術師甄澤權(Louis)出席《「小魔王」挑戰賽》決賽，身兼評判的翠如更與Louis表演魔術。翠如自言曾跟Louis學過四、五個魔術，有魔術底子，最耍家是玩錢幣魔術，她笑說：「我可以將個錢幣變走，呃過好多人，呢個魔術係我拍第一部劇時學，之後都有操練，我有表演過畀Edwin(男友蕭正楠)睇，但佢睇到一半就走，覺得唔精彩，太流，因為𠵱家興將menu的食物變出來，(男友可識得變魔術？)如果佢肯學，手藝會比我好。」翠如又稱因自己唱歌差，都想學多幾個魔術出騷用。
剛由馬來西亞返港的翠如，透露此行勁食榴槤，幾日合共吃了廿個榴槤，食到肚痛，但都不及滕麗名，她可以一餐食十個。她說：「嗰邊啲貓山王幾十蚊一個，平過香港好多，買咗好多返嚟派畀人，呢兩日要清晒，(男友食唔食榴槤? ) 我諗住教佢點為之世界美食。」
另外，談到陳倩揚因被無綫冷待而離巢，有指與余詠珊引入「有線幫」有關，屬於「有線幫」的翠如就說：「我好鍾意倩揚，一入TVB我皮膚敏感，係倩揚介紹皮膚敏感藥畀我。佢做戲好好看，重播的《使徒行者》我都有睇，希望佢有多些劇拍。(唔係想佢留返在TVB？) 地球係圓的，好多人都返TVB，我都做過好多電視台，做任何一個電視台都唔緊要，最緊要做到想做的事。」