■Jeana在社交網平台上載穿泳衣出海相片。香港文匯報訊（記者 梁靜儀）周家怡、何佩瑜(Jeana )及楊淇等，前晚到又一城出席電影《導火新聞線》謝票。對於ViuTV有意開拍《瑪嘉烈與大衛綠豆》續集，家怡表示不知情，問到會否演出？她說：「他們搵我先算啦。」
近日公開與導演翁子光拍拖的Jeana，拍拖不久雙方已見過家長，說到男友想與她一生一世，Jeana笑說：「佢梗係想啦，我都想嘅，大家都係向呢個方向行緊，(男友暗示過想成家立室？) 佢都唔細喇，佢大我十年， (家人催婚？）我都鍾意小朋友，（會閃婚？）真係唔知，(傾過結婚？ ) 才拍拖兩個月，不過都有共識，(男友可有暗示？ )佢有帶我見他的姪仔姪女，唔知係唔係暗示？」當問到她可會想快點結婚？Jeana笑說：「下個禮拜囉！」她又指媽媽對翁子光好滿意：「媽咪仲叫我Mark實男友，而家搵對象唔會求開心就算，我年紀都大，已經無太多時間，想找個穩定點的結婚對象。」
早前曾傳出轉性的唐文龍，前晚被記者發現與劉永健結伴看《導》片，再惹來Hehe疑雲。唐文龍承認是二人一齊睇戲，劉永健即說：「我係鍾意女仔。」唐文龍亦和應說：「佢真係鍾意女仔！」但二人表現就有點尷尬。另外，昨日Jeana在社交網平台上載穿泳衣載出海相片，大騷長腿並留言：「八月最後一次的假期，開始閉關為電影《作家的謊言》準備。」