■黎燕珊(左)戥陳少霞開心。香港文匯報訊（記者 梁靜儀）陳少霞上月與坐擁8億身家的富商李文輝低調結婚。婚後首度公開亮相的少霞，昨日她身穿白色連身裙，戴上巨型結婚鑽戒、鑽石耳環，一身貴婦打扮到尖沙咀接受黎燕珊主持的有線節目《往事·並不如煙之情書》訪問。
少霞受訪時被問到婚宴日期，經再三追問下她才肯透露於9月29日在馬會擺婚宴，但不會大搞，至於婚宴細節全交由老公打點，而當晚亦只換一至兩套禮服，簡單莊重為主。問到可會請劉德華？她口窒窒說：「呢個問題......我諗佢一定好戥我好開心，佢好忙喎，又周圍拍戲，唔知會唔會有時間賞面嚟？（可會通知他一聲？）你哋幫我通知佢啦，不過我都會通知佢。」
拍拖大半年就結婚的少霞，表示是透過教會的姊妹黎曉靈認識老公，是對方撮合他們。有指李文輝對少霞一見鍾情，問到她又是否一樣？她笑說：「我冇諗算唔算一見鍾情，對佢印象都好。」她又稱老公為人細心、善良、感性又易感動，經常做善事，以及愛主都感動到她。
問到老公當日是如何求婚？她說：「我做咗兩年基督徒，答應過自己及主，要揀基督徒結婚，大家心靈溝通到，突然有一日老公話『我哋上婚前輔導』，我就答『好，咁咪上囉！』之後pass咗，牧師仲開心過我哋。」
與前夫育有兩名女兒的少霞，透露女兒與老公都很夾，問到婚後是否會一齊住，她就說：「要安排好多細節，讀書呀，慢慢嚟，婚後會留港生活。」問到會否為老公生B？她笑言要看天意，順其自然。
珊姐叫少霞介紹筍盤
至於會否考慮復出？少霞說：「其實冇刻意退，有啱角色會考慮，唔講得埋唔做，（唔想只做少奶奶？）呢個年代可以兼顧多少少，但要適合。（老公都支持？）我哋好成熟，有個人空間，有合適嘅妘ㄓ銕蠽琚C」
黎燕珊表示因為與少霞返同一教會，所以之前已知對方拍拖，更戥她有個開心的下半場開心。珊姐笑言自己好有條件拍拖，因為女兒已23歲，兒仔就18歲，經常叫她不要管住他們，所以她有很多時間，個女都叫她去拍拖，她不諱言到目前都期待第二春出現。至於可會叫少霞介紹筍盤？珊姐笑說：「鏡頭後會叫佢留意吓，教會有唔同地區，盤口好多，target好多。」