■網民製圖留住游蕙禎的窘態。 網上截圖所謂「一雞死一雞鳴」，當「香港眾志」多次中箭倒下後，「青年新政」似乎大有潛質取而代之。繼「青政」黃俊傑將自己錯誤卸膊「本土」網媒而要辭任發言人後，「青政」女神「游BB（游蕙禎）」也連番出醜，一開口就請到「關公」。近日她接受電視台訪問時，要人「通水」才識答修改議事規則的問題，已被網民狠批常識欠奉；出席網媒活動時，她更聲言「青政」立場與社民連相近，隨即被質疑「青政」一時似「本土民主前線」、一時又似「時代力量」，「其實『青年新政』既（嘅）理念係乜？」
游BB日前與多名立法會九龍西選區候選人接受有線新聞訪問，題目為《如果你可以改一條議事規則......》，多名候選人都各抒己見，唯獨游BB說「改一條議事規則啊？我要諗一諗先。」最終卻是有人在耳邊通水教她答題，之後游蕙禎再一本正經地背誦答案，這些畫面都被電視台播放出街。
被指「未夠班」「冇料」 「絕對不會選佢」
不少網民都對游BB的表現感到「驚嘆」，紛紛狠批她常識欠奉，要人「通水」至識答。「William Ngan」說︰「假如被這名禎BB入到立法會，港人真是抵被叫港豬了。」「Irene Chiu」則說︰「老實說，游小姐真係完全未夠班。在生死存亡的一次選舉，絕對不會選佢。」「Kinman Cheng」也加入道︰「起（喺）選舉論壇上已經睇得出游蕙禎係冇料，有講錯佢咩？議事規則呢啲咁×基本嘅嘢都要人通水先答到！」「Amon Chau」則揶揄︰「游BB真係令人驚嘆！假如入到立法會做代議事（士）係咪要請個代代議事（士）通水呢？!」
說「青政」似「後起中箭」，「關公災難」當然不只一單。游BB日前出席網媒「毛記電視」的選舉活動時，與社民連的吳文遠對談，其間她竟然說「『本土派』唔係激進嘅，我哋只係攞返我哋應該要有嘅嘢，同你哋社民連嘅理念其實係好相似，即係我哋其實只係做緊我哋認為正確嘅事。」
談「青政」理念 各說近似不同政團
「熱普城」支持者「Edward Ho」就質疑，「其實『青年新政』既（嘅）理念係乜？」他稱，早前「青政」梁頌恆就說該黨理念與「本民前」是「99%相似」；游BB則說該黨「同社民連理念好相似」；前發言人黃俊傑則稱該黨與台灣的「時代力量」「理念較為相近」，「喂，我真係想問，咁係咪『青年新政』、『本民前』、社民連、『時代力量』全部都係理念相近既（嘅）政團？」
不少網民都留言批評游BB及「青政」，認為他們燒盡「本民前」的「光環」，直言「其實救得幾多次」。「Alvin Liu」就說︰「琴晚聽神駒（仇思達的直播）都知義工開始不滿呀遊（游）小姐。睇嚟呇a（哋）繼續hea（敷衍）答立場嘅結果係義工會開始跳船。」「Fred Lai」則說︰「游主任今屆冇架（㗎）啦，磨練下（吓）充實下（吓）自己先，四年後再返來啦。」
「熱普城」粉絲也乘機「抽水」。「陳雨」就謂︰「同『熱普城』唔似就得啦，千祈咪黐埋黎（嚟）......睇住班『支持者』日日幫『青政』拆彈就覺得為難，呢班×頭，真係行近d（啲）都死。」 ■記者 甘瑜