■朱玲玲、莫可欣、曹敏莉等出席慧妍雅集《TES 2016荷蘭創遊樂》學生學習計劃頒獎禮。香港文匯報訊（記者 梁靜儀）朱玲玲、曹敏莉、莫可欣、劉倩婷及王愛倫等，昨日到九龍塘出席《TSE 2016荷蘭創遊樂》學生學習計劃頒獎禮，原定出席的陳法蓉因高山反應而缺席活動。朱玲玲談到孫仔霍中曦，她表示孫仔已開始返學，因為返全日學所以少見了，但他返學不單唔驚還好開心。問到可有睇兒子霍啟剛與新抱郭晶晶拍的內地真人騷？她說：「睇咗兩集未睇晒，咁係我個仔，所以睇得好投入，佢唔識跳舞，睇到就戥佢緊張，佢好多嘢都做到，我都好suprise，有一幕水底動作，我覺得好難，佢都做到。」問到啟剛與晶晶做完真人騷後是否更恩愛？朱玲玲笑謂他們一向都恩愛，而這次亦是一個好好的個經驗。之前有傳因霍家給晶晶的家用唔夠，所以要接拍真人騷賺錢？朱玲玲否認說： 「我諗係你們行家嘅宣傳伎倆，（沒呢件事？）你話呢？當然冇。」再問到她可想再抱孫？她表示等他們自己安排。
問到會否催促二子啟山盡快成家立室？她笑說：「你幫我話吓啦，（佢有冇帶女朋友畀你見？）冇，我都問了佢好多朋友，啟山有女朋友未，他們都話冇，不過冇得急，人生係佢，要對一世，唔可以因為我心急而隨便搵一個。」問到中秋節會否一家吃飯團圓？她笑指上一輩就一家食飯賞月，但她這一輩就沒有，但間中一家也會有聚會。
腹大便便的曹敏莉透露已懷孕四個多月，並透露第三胎是男嬰，預產期是明年一月。她指今次陀B嘔了四個月，暑假也沒外遊。問到她的子女是否很期待多個弟弟？她笑說：「個女想要個妹妹，個仔就想要個弟弟，當知道係弟弟時，大女即時大喊！(生多個？ )差不多收工喇。」對於陳法蓉在西藏拍戲出現高山反應，她表示有發信短訊慰問對方。