■翠如投訴洪永城拍鬧交戲時非常惡。鬧交戲極惡 洪永城認發洩私怨
香港文匯報訊（記者 梁靜儀）洪永城（Tony）、黃翠如、黃浩然、傅嘉莉、陳煒、 莊思敏及C君等，昨日到電視城出席無綫新劇《我瞞結婚了》開鏡拜神儀式。再次合作拍劇的翠如與Tony，劇中飾演夫妻，翠如投訴Tony拍鬧交戲時非常惡， 將私人恩怨都放晒出來。
洪永城與翠如一起接受訪問， Tony表示「劇集已開工一個月，之前兩、三個星期都是外景，翠如給了我很多意見，因為她在喜劇上的節奏感比我好。」翠如稱一些玩的場口不用默契也能輕易進行，但鬧交戲就不習慣： 「因為以前做旅遊節目有工作人員幫我，但現在冇，佢鬧交贏我，我唔習慣。」 翠如又投訴Tony拍鬧交戲非常惡及用力：「太惡了，將私人恩怨放晒出嚟！」Tony笑指發洩了內心團火，可以名正言順鬧她。
問到可擔心翠如男友蕭正楠生氣？Tony申冤說：「唔好聽翠如講，我只喺範圍內演。」翠如自爆曾因為被Tony鬧要向他的女友告狀：「 有次Tony鬧多咗我，之後我打畀Natalie（ Tony女友唐詩詠），將我對Tony嘅不滿話畀佢知， Natalie話佢係咁樣！」問到開始拍親熱戲未？Tony笑說：「已斷斷續續拍緊，故事性好，動作上就未度，同導演夾吓。」問到二人份屬好友， 拍攝親熱戲會否覺得困難？ Tony笑說： 「更易投入，因為我好多情感。」翠如則直言覺得難。
莊思敏不想再提吳浩康
莊思敏在劇中飾演是非女秘書，昨日就以一身老姑婆打扮示人， 她透露之後會改行性感路線，穿Deep V衫、變曲髮及有紅唇，劇中更會主動到Tony家溝對方， 但慘被趕走。劇中她與C君演情侶，問到可有親熱戲？她說：「 唔知佢想唔想，如果佢想我可以豪畀佢，完成佢心願。」
提到她舊愛吳浩康日前接受訪問時表示最對不起她，莊思敏不欲多提：「 唔回應喇，事情相隔咁耐，大家都向前行，（他自認花心？） 知錯能改，我哋見到面都會打招呼，但無刻意聯絡。」