■Sammi香港文匯報訊 鄭秀文（Sammi）將於本月16日至25日假紅館舉行《Touch Mi 2鄭秀文世界巡迴演唱會2016》。Sammi近日正在備戰狀態中，為了配合演唱會，今次特別炮製了一張全新專輯《Fabulous》，並於下周四登場。而Sammi日前為專輯影封面。
當日身穿黑色通花喱士背心的Sammi，在好友攝影師陳漫的鏡頭下，盡顯其火辣骨感線條美，連Sammi自己也笑說：「今次個造型感覺同以前有啲唔同，我自己都未見過自己咁樣！估唔到自己可以變成咁樣！真係有啲驚訝！」
Sammi對於自己的造型一向十分講究及嚴謹，她說：「每次都係為求拍到好唱片封面，都會盡力將自己保持到最佳狀態， 今次張廣東專輯，同過往一樣有好多唔同音樂元素， 盡量做到多元化，喺演繹上同歌種上會有啲唔同及不同聲音運用！」