■麥明詩強調當下心情不俗。香港文匯報訊（記者 梁靜儀）快將卸任的港姐麥明詩，大讚今屆港姐高質，所以很難揀，問到可有心水？她說：「心水係2號、3號、6號，因為3號張寶兒係我朋友，佢表現比較自然，2號劉穎鏇各方面都平均同埋好上鏡，6號馮盈盈係男仔會鍾意嘅類型，覺得佢喺演藝事業發展會幾好。」
提到她前晚出席張名雅婚宴時點頭認分手，問到心情如何？她強笑說：「幾開心囉，見到名雅搵到幸福伴侶幾好，（覺得感觸？）冇乜感觸，係覺得肚餓。」她表示與名雅因為曾合作而認識，但並不認識對方老公。說到當晚座上有不少律師，麥明詩自爆有律師朋友找她影相，但影完就走，沒有撩她好可惜。
她又稱現時與林作是朋友，對於林作不認拍拖，她指不會太理其他人的睇法。問到可覺得男方要面才不認拍拖？她說：「唔會猜度其他人諗法。」她又乘機扯開話題，笑指睇完港姐泳裝心情澎湃，有當年今日的感覺。之前她被拍到上林作家執拾細軟，問到可有東西仍留在林作家？她笑指要檢查，因自己比較大意。