■袁偉豪香港文匯報訊（記者 植植）袁偉豪昨日在銅鑼灣出席活動，同場還有關楚耀。袁偉豪表示見到前晚港男選舉，有少少感觸，尤其見到冠軍攞獎，他有少少似自己當年得獎時的情緒。袁偉豪說：「我都有叫佢（冠軍）喺台上忍住，返到後台先釋放，希望佢將來有好發展。（不少人讚你今屆參賽仍會當選？）多謝各好友畀面撐我，特別係陸永，咁大頂高帽，話我係重量級嘉賓，我聽到都會心微笑。我由2007年選完到現在都接近十年。可能我喺《城寨英雄》的角色都幾多人鍾意，我都算係資深的香港先生。（諗起自己當年參選？）都有，他們比我當年參選更加鎮定，對答如流唔緊張，我當年面對稍為露骨的問題已經唔知點答。」
關楚耀表示之前在內地5個月拍攝真人騷，之後又到了台灣忙餐廳生意事宜，笑言很少講廣東話。提到餐廳，他表示正籌備在台北開分店，約投資6位數港元，今次再開大間些，有埋酒吧。