香港文匯報訊 由錢國偉導演、黃永鋒及黃柏高監製的動作笑片《辣警霸王花》落實下月13日在港澳及大馬三地同步上畫。電影延續了上世紀80年代《霸王花》的元素，由飾演惡死女教官的梁琤嚴教一班霸王花學員岑麗香、鄭欣宜、何佩瑜（Jeana)、崔碧珈、李元玲及蔡潔等執行任務，過程有血有淚有笑有溫情。
《辣》片內容主要描述這班特警新丁為20年前任務失敗的霸王花復仇，所以電影由扮演上一代的霸王花包括鄧麗欣（Stephy）、楊思琦、唐紫睿（Hazel）、Jessica C.（JC）、陳嘉桓和郭思琳「放蛇」掀起序幕。一眾靚女為逮捕恐怖分子，在泰國的酒店池邊等候目標，思琦、Hazel、JC和思琳均穿上性感比堅尼，尤其JC的出水芙蓉更見噴血。
抱女練成腹肌
飾演Madam「細方」的Stephy就相對密實，以背心短褲上陣。其後幾位靚女見目標出現，隨即在泳池展開激烈槍戰，生死肉搏，思琦亦毫不錫身，親身拍攝出拳又起腳的鏡頭，由於打得投入，更不慎掛彩整傷手指。
思琦直言拍該片挑戰性幾大，她說：「Charlie（黃永鋒）畀咁嘅機會我打，都係盡量做，最好笑係Hazel話我有腹肌，原來我真係有啲，可能抱得我個女多，成日都用力。同埋拍時都有受傷，有場戲我夾到手指，係痛到好似冇咗手指咁滯。」思琦平日打扮密實鍾意包到上頸，今次卻罕有穿上泳衣拍打戲，她笑說：「係呀，所以着泳衣時嘅打底都黐到實， 嗰時我係成班女仔中唯一嘅媽媽，Charlie仲話『好好，唔覺呀，睇落好後生』，我嘅自信心即刻返晒嚟。」