■雷頌德香港文匯報訊（記者 植植）雷頌德（Mark）帶同他旗下新人歌手張美儀出席赤柱舉行的電單車巡遊活動，阿Mark表示家中共有三架電單車，其中一架是這個品牌。問到閒時可有載太太梁家玉遊車河？Mark表示以前就有，但自從太太拍煮食節目後就好忙、沒時間，太太有時間都用來休息瞓覺。
講到好友馮德倫新婚返港後，可有聯絡對方？阿Mark稱：「有傳短訊。（之前知唔知馮德倫與舒淇拍拖？）完全唔知道，都係記者話我。（佢哋會補擺婚禮party？）好似沒有！」
另外，提到早前於黎明（Leon）演唱會當攝影師，現在將出慈善相集時，阿Mark說：「拍照時未有這個計劃，但拍下過千張照片後決定推出相集做慈善。（Leon可有親自揀相？）佢好相信我，揀相都交畀我揀。（限量2,000本，反應好會唔會再加印？）應該唔會，因為所有製作及印刷費都已經有贊助，現全數收益都係捐作善事。」