■B女咬着Chilam的皮褸。闊別兩年，張智霖（Chilam）日前終於推出全新EP《HERO》，這張EP主題為表揚父愛，歌頌天下父親為家庭所付出的努力。拍攝EP封套當日，工作人員特別安排一名混血B女和 Chilam齊齊拍攝。混血BB面對陌生環境，初時不斷哭鬧，需要媽咪在旁安撫。不過已為人父的Chilam一抱BB，BB頓時展露笑容，表情冧豬，攝影師亦趁機拍下二人溫馨窩心的一刻。混血BB在大笑時，原來跟Chilam一樣擁有迷人「酒凹」，就連Chilam也說：「佢真係同我有啲似樣。」穿上皮褸的Chilam還抱着BB坐電單車，一大一細都好有型，但最搞笑的是BB對周遭事物都感好奇，竟然一時「發牙痕」，咬着Chilam的領呔和皮褸。