■陳欣健向臥底探員陳國坤、陳小春、陳嘉桓及李璨琛等頒授勳章。香港文匯報訊（記者 梁靜儀）陳國坤、陳小春、吳岱融、張建聲、陳嘉桓（Rose）、吳家麗及李璨琛（Sam）等，昨日出席耗資達6,000萬元的網劇《反黑》記者會，會上還行「復職大典」，由陳欣健向幾位過往曾立大功的臥底探員頒授勳章。
首次擔任監製的陳國坤，找來一眾兄弟好友參演外，太太黃伊汶亦有份演出，他笑說：「老婆仲係第一個碌卡，今次佢演返我老婆，原本佢話唔好，我叫佢搵返個女演員畀我，佢啞口無言，戲裡面仲會有個女仔暗戀我，所以佢開工咪可以順便「目及」實我。」他表示考慮到大家都有家庭子女，收工後可以返屋企睇老婆仔女，所以全劇都會在香港拍攝，預算農曆年前煞科，故事是講香港警察對付外國黑勢力入侵。
小春亦表示今次最開心是全套劇都會在香港拍攝，不用擔心飛機延誤。他又透露今次以友情價接拍，問到太太應采兒（丁丁）可會演出？小春笑說：「佢唔好搞咁多，佢做開監製。」陳國坤就笑指：「啲錢畀晒小春，邊有錢請丁丁？而佢喺朋友圈中有名叫首領。」
陳嘉桓昨日一身警察造型現身，她透露角色很男仔頭及不苟言笑，戲中更不乏動作場面。
吳岱融不認取替三哥
近日憑奸角「高天鷲」人氣急升的吳岱融，在劇中再次演奸角，但今次的角色就有情有義，遭飾演惡底的小春背叛，出獄後找對方報仇。他透露與無綫簽了六年部頭合約，才剛過了一年，笑言有排做，之前就拍了《乘勝追擊》及《我瞞結婚了》。
對於有指他取替「三哥」苗僑偉？他就不認同：「唔好咁講，就算同一角色，唔同演員演都會有唔同效果，所以唔能夠用取替兩個字，好難聽。我同三哥都識，三哥向來都好有型，我反而最開心係電視台多起用我哋呢個年齡層嘅演員，唔係話年輕一代唔得，而係我哋呢啲會有自己閱歷。」