■入行26年的梁琤，明白一切不可強求。女星梁琤（Jade）最近於《巨輪II》中演高天鷲太太沈美華令不少網民對其演技拍爛手掌，入行26年，梁琤經歷了事業的起跌，明白一切不可強求。多年來梁琤孑然一人，不是沒人追，只是不想為結婚而結婚。
梁琤在無綫劇集《巨輪II》中飾演大奸角高天鷲（吳岱融飾演）老婆，劇中的高太重視家庭，而且是一人之下的女強人。對於劇中女兒陳凱琳被網民批評演技差，梁琤表示這批評對Grace不公平，因為在她眼中，Grace好勤力，拍戲好感染到對方。
「劇中的高太好強勢，現實的我無咁強勢。除咗呇悀蔑炊欱l佢識驚少少外，其他人佢都唔驚。但本身我無咁強勢，我本人性格唔似高太，佢比較事業型，好執着，我比較放鬆。今次同吳岱融、Grace（陳凱琳）一家人合作得好開心，岱融本身好投入每件事，可能佢之前做過導演，佢會坐下來大家去傾，所以我都攞出來傾，大家都希望出來的效果會好。至於Grace係一個好聰明、好勤力的演員，因為佢本身唔識中文，每日要拍咁多場戲、講咁多對白，她係從來唔帶劇本入場，只因佢背對白背得滾瓜爛熟。同佢拍戲好感染到對方，一埋位已經好到位。」
自認「剩女加宅女」
除了在電視見到梁琤外，在新片《辣警霸王花》也見到其身影，梁琤做女教官，專門去培訓新一批「霸王花」，雖然沒有一眾新晉女演員那麼多打戲，但打起來也十分起勁。其實梁琤1991年以打女形象初現銀幕，其主演的電影《黑貓》至今仍令人津津樂道。雖然近年少拍了打戲，但其玲瓏婀娜的身段，其實十分有睇頭。可惜在事業上拚搏多年，感情卻是交白卷，至今仍是孑然一人。
「如果你叫我再拍打戲，我都仲好得心應手的，不過香港近年都好少功夫片。可能打女太深入民心，記得有男仔行埋來我身邊，第一句就問我係咪好打得，可能咁樣令到啲男士唔敢追我。我又係一個剩女加宅女，平時寧願躲在家中也唔喜歡出去應酬。另一原因又或許係我擇偶嚴謹，多年來都堅持如愛一個人便要與他終老為原則，不能把感情視作玩票性質。年少時憧憬有美滿婚姻，長大後發覺好大學問，驚責任大而產生恐懼。我唔會為結婚而結婚，亦唔會因為找不到一個可陪自己一生的男人而改變性取向，所以一切順其自然啦。」
想重點放香港市場
現時不少藝人的目標都是北望神州「搵人仔」，梁琤卻甚少回內地登台，頂多是上月到內地演出《我和春天有個約會》舞台劇。梁琤2004年拍完《金枝慾孽》後便離開無綫，為照顧患病的爸爸而半退出。梁琤當年拍《影子敵人》燒傷右手，至今手上傷痕還十分清晰。
2012年重投TVB懷抱，梁琤現在是合約藝人，留在TVB望角色有得發揮。「在TVB很多經典劇如《烈火雄心》同《金枝慾孽》，都令粉絲咁多年講緊，都仲係呢兩套劇。去年拍《梟雄》，大家都讚賞。自己唔係有錢，但總算有能力可以選擇，想放多點時間在香港，今次返TVB只係希望角色有得發揮、有挑戰性，自己希望每日進步。至於獎項，無話唔想要，但自己明白有些事不可強求。」