■林嘉欣(右)與林穎彤出席活動。香港文匯報訊（記者 梁靜儀）林嘉欣昨日以大使身份出席「Green Mondate與林嘉欣的綠色約會」總決賽，台上嘉欣透露老公已茹素四年，自己不時都會親自下廚炮製菜式。
事後嘉欣受訪時自言廚藝一般，加上煮了四年素菜已很難再有創意，不過自從她參與了綠在家中計劃後就可跟住素菜食譜煮，有更多新意。問她老公是否很開心？嘉欣指老公從來沒有埋怨：「不過有新嘢試妘ㄕn驚喜，我間中都有畀驚喜佢。至於兩個女，我會另外煮畀佢哋，因為佢哋好鍾意食肉，我哋一星期會有兩、三日食素。」
嘉欣透露近日正忙於為明年入讀小一的大女準備面試，她說：「我叫公司由現在至明年一月都唔好郁我啲時間，暫時唔想出埠工作，原來入小學好難，有朋友知道小朋友入到心儀學校開心到喊，我心諗要唔要，現在報咗五間學校，如果入到都要慶祝！」
另外，提到張學友憑《暗色天堂》入圍角逐金馬獎影帝，有份演出該片的嘉欣睇好學友得獎，她說：「得獎與否好睇彩數及條命，心入面都想佢拎，雖然其他候選人都好叻，但無論點學友喺我心中永遠都係好拍檔、好演員及男神。」至於她無緣角逐影后，嘉欣稱沒有失落，會對自己的演出較苛刻，覺得仍有很多進步空間。
林穎彤生日宅在家
林穎彤（Bella）昨日擔任大會司儀，Bella前日24歲生日，但沒想過當日會打八號風球，原本要開工拍劇，後來取消了，結果全日都留在家中沒有外出，但前一日已經相約朋友食飯，因她已茹素四年，大家遷就她食素火鍋。