■郭晉安、萬綺雯、黃德斌、王浩信等宣傳新劇《致命復活》。香港文匯報訊（記者 梁靜儀）郭晉安（安仔）、萬綺雯（蚊蚊）、黃德斌、王浩信、朱晨麗及陳庭欣等，昨日到尖沙咀出席無綫台慶劇《致命復活》記者會，會上並進行破冰儀式，寓意故事隨即展開。會上王浩信及何雁詩分別獻唱主題曲及片尾曲，一眾演員齊齊起舞。穿上開窿裙及高跟鞋的朱晨麗在台上險些被台板的罅隙絆倒，連累身旁的蚊蚊齊齊跌低，王浩信及泰臣即出手扶住蚊蚊，而穿低胸裙的陳庭欣無懼走光幫朱晨麗拿鞋。
有指《致》劇大結局後就舉行台慶頒獎禮，安仔被問到會否覺得較易攞視帝？他說：「冇諗過會有咩發生，如果真係發生咗當然開心，但都要觀眾睇得投入，呢個係勵志故事，講在逆境自強不息。（若再得獎就成為四屆視帝？）平常心。」
讚展鵬《城寨》演出
昨日有報道指王浩信以賤價提前續約換視帝獎？他否認說：「攞獎當然唔抗拒，我係好需要鼓勵同肯定的演員，其實《EU超時任務》播出前已經續約，年期同內容都覺得舒服，（提前續約換獎？）沒有，當然唔會，如果有得咁樣，我都嘗試申請，我相信視帝係公平公正嘅，要睇演員付出外，仲要觀眾肯定。」報道又指陳展鵬淪為炮灰？王浩信就認為不會，並大讚陳展鵬在《城寨英雄》的演出俘虜萬千女仔。他又稱《致命復活》播出後會多個勁敵，就是安仔：「安仔今次真係堅，睇完就知咩叫猛料，（若要在展鵬及安仔當中二揀一做視帝，會揀哪一個？）我撐安仔，撐佢我曲線得益。（對自己冇信心？）泊埋安仔度冇信心，我在安仔身上學到好多。」