（第一場）「勁豐裕」上場全程走三疊，際遇咁差試問點會唔輸，落敗肯定與實力無關，匆匆回歸成名地，莫雷拉唔放手，決心爭取本利歸還，值得俾機會。
（第二場）「神寶金剛」剛戰直路際遇欠佳，否則名次又豈會止於第四名，質新分子經過時間洗禮，已開始踏上起跑線，如不縮槓，有條件向冠軍之路進發。
（第三場）「搖錢樹」（圖6號）剛戰初落五班即有反彈，在一哩路程以凌厲後勁追入亞軍，今次安排再跑長百五米，部署應有利無弊，如非太熱，值得追贏。
（第四場）「光速銀桂」迄今六次角逐同程，除一仗因排外檔輸際遇不作準外，其餘場合都能跑入前三名，性能毋庸置疑，如打硬仗，有條件推翻大局。
（第五場）「勁勇威龍」莫雷拉揀騎，單係呢點已值得投予信心一票，馬匹轉倉後經頭兩場試準，上仗再出幾乎贏，今次加強配搭，擺明想盡快交代。
（第六場）「魔連奴」季初試過發燒，因此延至此刻才正式復出，計馬必定有以逸待勞之利，去季末仗初次渡江經已試準了，再來應是闖關時候。
（第七場）「金獅叻將」現時評分低於贏馬水平，難怪近期能三番四次走入前列，剛仗平磅下鬥輸俾「小島怡情」，今次條件有利，要反先並非太難事。
（第八場）「開心駿馬」上仗放至臨門一步才被擒，落敗無話可說，但已證實本身持續有進步，復課備戰依然積極，勇況畢呈，今次抽到黃金一檔兼強配莫雷拉，各項條件俱提升，值得跟進。