■黃日華獲愛女芷晴送上香吻。香港文匯報訊（記者 梁靜儀）黃日華（華哥）與女兒黃芷晴昨日首度以父女檔出席天梭錶活動，兩人互相送情侶錶及聖誕水晶球，華哥更在水晶球錄音，留待女兒出嫁時聆聽。問他是否想女兒早日成婚？華哥說：「我無所謂，佢咁大個人自己揸主意。」
芷晴指父女檔很開心，但事前要落足嘴頭及做足準備才敢邀請爸爸：「佢會問好多嘢，有時都係偷偷打畀佢經理人講咋。」華哥笑說：「我私下收到風，都係等佢開口，佢要嘅，兩父女我無條件幫到就幫，（酬勞加碼？）冇，我做茄喱啡幫佢手，個活動係家族承傳。」
早前芷晴與男友為品牌影了一輯相，由於照片太似婚照，她笑指之後收到不少朋友的恭賀訊息，但她目前仍未有結婚計劃。華哥坦言最希望女兒做個循規蹈矩的好人，至於結婚生仔則由她決定。他又笑言以往也鮮有機會跟老婆拍正式照片見報，芷晴即搞笑說：「但你哋有影泳衣相。」
芷晴又稱不介意與男友情侶檔吸金時，華哥聞言即呷醋說：「父女檔先啦！等我有更多機會返港工作。」芷晴笑指爸爸有時會呷她醋：「有時我下廚煮嘢畀男友食，爸爸會怪我唔煮埋佢嗰份，有時煮碟意粉，兩個爭住食。」問到華哥可滿意女兒男友？他坦言仍在觀察中：「佢哋拍拖只係半年時間，暫時未睇到男方長處及缺點要改善，唯一見到佢對芷晴都算體貼。（唔夠你好？）慢慢嚟啦，我都學習中，盡量做好。」芷晴即賣口乖讚爸爸好得無人能及，希望將來的老公也似爸爸般顧家。