（第一場）「招多福」今季首回合初戰同班同程立即建功，蹄下敗將「實在威」及「捷捷勝」其後都識贏，彰顯本身呢席頭馬水準出色，兜個圈再次重遊成名地，值得注視。
（第二場）「荷蘭風車」上仗以頗輕鬆姿態擊敗對手，並取得在港首場勝利，贏完被加六分但實際卻只多負一磅，計落好着數，打鐵趁熱有力謀添食。
（第三場）「越跑越好」（圖前駒）剛戰排最外檔，沿途際遇差到不得了，之所以仍能上名全靠本身窄場性能夠耍家，今次檔位轉好，加上有莫雷拉之助，補中呼聲高。
（第四場）「雄霸」剛戰一落班即能跑近，似乎屬三四班升降機，拚後再將備戰升級，試大閘、拍跳樣樣做足，狀態冒勇，莫雷拉肯再騎亦是利好因素。
（第五場）「騂龍」剛戰大熱卻只跑第三，成績當然未感滿意，歸咎於騎者發揮欠佳所致，今次用番贏馬配搭肯定又會有不同演釋，值得再俾多次機會。
（第六場）「凱明神駒」上仗早早望空，實非馬匹本身理想的跑法，故敗績未能作據，相隔十一日匆匆再上陣，似乎不忿氣求拚個明白。
（第七場）「開心有你」剛戰贏馬唔出奇，只係估唔到取勝姿態竟能如斯輕鬆，五歲馬今季果真大熟大勇，沿留原班優勢未失，乘勇可再接再厲。
（第八場）「鴻圖飛星」上回能挫敗「喜益善」、「陀飛輪」和「越影」等今場主要對手，賽績具指標性，四歲質新未見底，評分高處未算高，今場換上郭能威力未減，一於繼續追。