■胡杏兒香港文匯報訊（記者 梁靜儀）胡杏兒昨日到又一城出席商場賀年活動， 活動上更即席揮毫寫上雞字及製作賀年吊飾，杏兒表示最近因拍戲而練字，但發覺跟在家中寫很不同。
婚後首年在港過年的杏兒，下星期才着手辦年貨，之前就與奶奶一起去買桃花佈置屋企，之前又學整蘿蔔糕，但因為首次整，拿捏得不太好，下次可以整得更好。杏兒身為「客家新抱」，表示想學整客家茶粿，將來可將這門手藝承傳給子女。問到奶奶可有催她生B ？杏兒笑說：「唔催都會盡力，希望啦，而家有食中藥調理身體，拍完內地劇後便會多陪老公。」談到雞年願望，杏兒表示想身體健康！再問到會否想明年帶多個去逗利是？杏兒即說：「都好喎，希望明年有人幫我收返(利是)。」
談到近日有傳其好姊妹姚子羚好事近，杏兒指個個都有機會跑出，個個都是筍盤。問到是否要度期為子羚做姊妹？杏兒笑說：「唔使度期，隨時一叫更就ok，一定有期。」