噚日特首參選人、前政務司司長林鄭月娥搞分享大會，另一參選人、前財政司司長曾俊華亦連環出招，推出林太前下屬、人稱「短命局長」，前發展局局長麥齊光的支持短片(見另稿)，以及開始眾籌計劃，似乎有意用民意與林太的「星光班底」對撼。一眾視「薯片叔叔」為最佳人選的「薯粉」即時響應出錢出力，令其眾籌在短短數小時已經破百萬元。不過，不少一直堅持要「真普選」、反對「8·31」框架的網民，就搲爆頭都唔明（𠵱）班人嘅邏輯，留言質問點解佢哋會一邊話要「真普選」、一邊又捐錢畀支持「8·31」框架嘅「薯片」，有人更嘲笑「港豬好易呃」謂︰「票就無得你投，錢就你幫佢籌。」 ■記者 甘瑜
曾俊華昨日早上在facebook公佈其眾籌計劃，並寫到︰「我正在為競選工程籌集經費，祈盼各位積極回應我的募捐，一同參與，集腋成裘，助我一臂之力。」他其後在中午回應記者提問時稱，自己的選舉心願是和市民「拍住上」，又說自己在競選上無金錢問題，亦不是缺乏商家支持才眾籌，只是希望「讓不同市民可表達對他支持的心意」。
諷「薯粉」圍爐自high
雖然曾俊華明言自己無金錢問題，但一眾「薯粉」還是立即響應眾籌，踴躍捐錢，截至昨晚11時30分已有逾8,000人捐款，募集189萬元。有「薯粉」更留言大讚曾俊華醒目識「搶fo（焦點）」。不過，也有不少堅持「真普選」的網民批評捐錢者是「港豬」，揶揄大家「小圈子選舉」都咁開心，仲捐錢畀支持「8·31」框架、有錢過大家多多聲嘅曾俊華。
撇除兩極意見，唔少網民就眾籌都有其他關注，例如啲錢多咗會捐畀邊間慈善團體等。「Garret Lai」就問曾俊華到底有何實質政綱︰「我唔係唔想捐，但薯片叔叔總不能指指個鼻，就要俾（畀）$你嘛......如果我捐俾（畀）你，你到時賣港，咁我對住你張收據喊好定笑好？」
「輸就輸籌費，贏就做特首」
「Titan Kazuhiro」就狠批︰「算把（罷）啦！明明自己有錢住大豪宅大把身家。卻來搞眾籌用大眾市民的錢作經費。典型輸打贏要的榜樣。輸就輸籌來經費。贏就贏自己做特首。只是看你年年預算估錯數錯咁大筆數，如果在企業一早比（畀）人炒左（咗）啦。用未來不夠錢用來把儲備守著（着）不用，只是輸通賬（脹）都年年不見幾百億了。咁樣做特首？死得人多！」