近期社會流傳一則新聞，因為本港樓價不斷攀升，近四成港青都要靠父母資助先上到車，仲聲稱父幹購買力喺香港先啱啱起步，有權繼續煲起樓市。由此可見，無論個人能力如何，有個有錢老豆起碼足以跑贏六成人先。而喺賽馬世界入面，呢個比人類更講求父幹或母幹嘅世界，只要老豆及阿媽是但一匹係名氣馬匹，生出嚟嘅幼駒自然就被人出高價狂炒。不過呢班贏在起跑線嘅??仔到底係筍盤定犬兒，有時只係一線之差，好似告東尼馬房嗰匹「駟寶」咁，父系貴為大名鼎鼎的「飛雲渡」，所以周歲時拍賣價經已高達三百七十萬元，可惜本身性能為遲熟大長途馬，在港較難會有合適賽程上陣，季內此駒一再出戰田草千六至二千米，直路上都有姍姍來遲鏡頭，今次難得谷中有二千二百米合腳法途程可供報跑，相信幕後一定會好好將機會把握。配腳方面揀「強中堅」、「好腳頭」及「數碼先鋒」。