■李嘉欣即場玩夾公仔遊戲。香港文匯報訊（記者 梁靜儀）李嘉欣同林嘉欣昨日到樂富出席慈善活動，二人並即場玩夾公仔遊戲，李嘉欣夾中親自設計的Emoji公仔圖案波波，而林嘉欣一次就夾中女兒設計的Emoji圖案波波，更着助手帶回家留念，台上二人又玩自拍。李嘉欣昨日大談老公囝囝之餘，被問到舊愛劉鑾雄將名下的The ONE送予太太甘比，嘉欣稱沒時間留意，但認為心中富有最緊要。
農曆新年與家人去了日本札幌滑雪的李嘉欣，之前聖誕節同樣去當地滑雪，可惜遇上暴雪要滯留札幌新千歲機場，今次再去日本，她形容是苦盡甘來：「上次冇咁順利，今次感恩多啲，有朋友問我點解又去返嗰度？我話喺嗰度跌咗，就喺嗰度企返起身。」
她又大讚自己與兒子Jayden的滑雪技巧有進步，但最驚自己在雪山撞到兒子。前日（8日）是Jayden 6歲生日，嘉欣表示兒子要求過一個「Quiet Party」，只要求與屋企人一齊開派對，好早熟，所以她就在家中佈置及買了他鍾意的傻豹蛋糕，是多年來最開心的生日，前日除了是兒子生日，老公許晉亨的愛駒「駟寶」又拉頭馬。
不與老公過情人節
談到情人節，嘉欣就搞笑說：「老公話要去公幹，我就約咗朋友去第二度玩。」過完情人節不久，2月25日就是許晉亨的55歲生日，嘉欣謂前日睇到月曆都嚇了一跳，因為自己都忘記了老公幾多歲。提到晉亨快將55歲，嘉欣就笑問：「可唔可以刪咗個數字？佢個心境、思想，我以為係四十頭。」問到可會怕老公外形後生，引來女仔埋身？她說：「我唔驚，我哋都結咗婚十年。」
另外，談到其舊愛劉鑾雄將名下的The ONE送予太太甘比，嘉欣就表示自己好忙，冇乜時間留意新聞。說到甘比成了香港女首富？她說：「咁係好事，心中富有最緊要。」說到The ONE跟她似乎很有關係？嘉欣說：「我冇留意，你現在講至聽到，我忙碌緊自己生活之中，冇乜留意人哋嘅新聞。」
林嘉欣稱坐巴士無問題
林嘉欣年初五攜同兩個女兒及媽媽一起去日本沖繩旅行5日，但老公袁劍偉卻沒有同行，她說：「佢話成班女，唔去啦。」今次去玩，對於被市民直擊行程，她笑謂多謝對方關心，覺得對方好可愛，她又說：「其實我坐巴士有咩問題？其實都係生活嚟，有咩咁大陣仗？」未有帶傭人同行的嘉欣，要一個人扶老攜幼，她覺得有時要放手畀機會她們學習，而大女見到她拖住妹妹，就會主動拖行李篋。
談到工作，嘉欣表示稍後會拍廣告及出席時裝周，電影方面暫時未有接到劇本。稍後為亞洲電影大獎擔任評審的嘉欣，近日都忙於睇入圍電影，目前已睇了十多部戲，仍有一半未睇，因睇電影是她的興趣，故不覺得辛苦。