第六場､第一班､一二○○米。「龍城勇將」累積的五場頭馬中有四W喺田草取得，另一場喺谷草千二A欄殺低「力闖」掄元，而季內三戰皆跑級際賽，雖然每仗不上名惟後上追得兩咀。今次降落一班復爭谷草千二勝途，找到蘇兆輝執韁戰鬥力加強，當有力在此群再響勝門。
第七場､第一班､一六五○米。「活力歡騰」七歲仔季內八戰先後喺谷草一哩及千八贏馬，表現出色，惟上賽出戰國際三級賽田草千八無功而回，不過呢場後追馬卻擺前走，回氣性質味濃，敗績可抹去，今仗降一班再次渡江角逐一哩，交回潘頓操刀深慶得人，有權冷門反底。
第八場､第三班､一八○○米。「閃電王」中長途氣袋已取得一冠一亞，而今季跑過四場表現雖未見佳處，惟在二班谷草千八亦追回一席第五，而今次落三班復爭千八又搵冷殺手祈普敦操刀，大告用上王牌報戰也盡顯爭勝決心。