■3子女向家燕姐送吻。香港文匯報訊（記者 梁靜儀）3月30日生日的薛家燕昨晚假中環開生日會慶祝67歲生日，三個兒女與多位嘉賓到賀，包括有好拍檔黎小田、曹永廉、湯寶如、鄧兆尊、陳彥行、孫耀威等，而黎小田更送上玫瑰花，孫耀威與曹永廉就吻賀家燕姐。
談到生日願望，家燕姐表示希望身體健康，萬事如意。問到可想找到個伴侶？她笑說：「我都無所謂，開心就得，我只係希望仔女都搵到另一半！（想抱孫？）我好傳统，仔女都未結婚，未有咁快抱孫。」當問到大女感情是否已有着落？家燕姐卻爆兒子耀庭應該快一點。
另外，鄧兆尊被問祥嫂決定以祥哥及自己的名義成立家族基金，在律師、醫生、證人見證下寫好平安紙，仔女及洪家親人都可獲分遺產？他說：「冇乜所謂，好仔不論爺田地，佢想點樣就點樣，我都好難控制。」對於祥嫂又想將現居三萬呎的「永祥苑」，改建成 「伶王新馬師曾藝術紀念館」， 兆尊認為是好事：「佢能夠安排到都係好事，（此舉令你哋關係轉好？）女人都係善變，個關係唔係喺我度，我一直都係中間人，只負責調停，（祥嫂突然立平安紙，是否身體有病？）唔係，佢身體一向好好，你都可以立，（祥嫂此舉想破冰？）好多嘢都控制唔到，要睇返身邊兄弟姊妹嘅睇法，仲未知佢哋反應。」