■林嘉欣前日以女神打扮現身台北。香港文匯報訊 林嘉欣前日一身白色長裙現身台北，出席護膚品品牌活動。身為大中華區代言人的她被封「光透女神」感到榮幸，為了保持最佳狀態，嘉欣一直乖乖忍口，不過記者會一結束，她立即飛奔享受「頭號邪惡小食」炸薯條！
嘉欣在發佈會上分享美麗心得，原來她除了對肌膚保養品很挑剔，亦很注重湯水，她說：「經常飲湯，不但身體健康，仲可以令肌膚更純淨透亮，我成日煲湯畀囡囡飲㗎，女仔要從小由飲食開始保養，咁就內外都咁靚啦！」
發佈會結束後，嘉欣立即飛奔返酒店，原來她約了「夢中情人」炸薯條，她說：「我忍咗好耐啦，終於完成發佈會，任務完成，我要獎勵自己！」她一邊滋味地食薯條，一邊興奮地表示今次台北之行，除了工作亦是她的美食之旅。「跟住我會留喺台灣做訪問和影宣傳相，亦會抽空探朋友。仲有，因為真係好耐無返嚟台灣，所以今次一定要食到夠，我寫咗清單，滷肉飯啦、米粉湯、貢丸湯......每次返到台灣一定盡情食，尤其是台灣小菜。」話口未完，嘉欣已經應廣告商邀請去歎傳統台菜。食到甜品時她突然驚覺食了很多，笑說：「哎呀，今日真係破晒戒......唔緊要，聽日再嚟（keep fit戒口）過囉！」