■可嵐(左)原來是一位咖啡調配師。香港文匯報訊 可嵐最近擔任《星味傾情》的嘉賓。除了懂得泰拳及巴西柔術外，可嵐原來更是一位咖啡調配師，她指從沖咖啡的過程中參透不少人生道理，「沖咖啡過程講求時間性，所有嘢嘅時間要拿捏得好準確， 就好似人生每樣嘢都係講時間性，有啲嘢注定要喺呢個時間發生，有啲嘢亦一定要經過磨練先變得芬芳。」她正在為動作特技作密集式訓練，預言將在今年多方面發展，但如何抽時間陪囝囝？她說：「我珍惜每個同囝囝相處嘅時間， 喺香港都會盡量陪佢去玩，大家多啲互動，享受共處時光。」
可嵐早前於內地歌唱比賽獲得冠軍，她坦言承受很大壓力，「以前輸贏無所謂，但現在出咗道一段時間再參加比賽， 如果輸咗點算？比賽係一個交流平台， 就算輸咗都可以檢視自己有咩要進步，結果我衝破心理關口， 決定參加比賽。」她表示新歌今年逐一派台，更參與填詞部分，「我樂理唔太好，所以未完整作到曲，暫時參與填詞部分，我寫出心底話，分享親身經歷。」