■單文柔形容展鵬是認識中的朋友。香港文匯報訊（記者 植植）陳展鵬緋聞女友單文柔昨日出席野遊用品活動，問到緋聞是否帶挈多了工作機會？她說：「今日係第一個（街外工作），工作都係公司安排，隨緣！（平日鍾唔鍾意行山運動？ ）本身都鍾意戶外活動。 （同陳展鵬一齊行？ ）睇時間，大家都比較忙。（你哋鍾意坐車，可以去環島遊？ ）其實我未試過環島遊，都想試吓，不過我本身唔識揸車，所以要搵個識揸車嘅人一齊去。」記者笑言陳展鵬識揸車，單文柔表示女仔不可以那麼主動。
對於有指陳展鵬私下向公司承認戀情，她表示雙方是認識中的朋友，「報道出咗都有壓力，普通朋友相處都會成為大家焦點。 」問到怕不怕見光死？單文柔說：「我唔明咩叫見光死？大家係朋友，冇話講實。 （會唔會因此卻步？ ）我自己比較慢熱，需要時間相處，仲係摸索階段。（你話欣賞佢有承擔？ ）我欣賞佢為人有正能量同正直。（如果將來confirm咗拍拖會唔會公開？）將來事冇人知，如果將來真係拍拖大家先再問我，現在仲係認識階段。」
展鵬為其他女人戴戒指
而陳展鵬近日在馬來西亞以嘉賓身份於珠寶店開幕典禮中壓軸出場，展示過百萬的鑽飾，他也笑言這是第一次戴上這麼貴重的鑽飾，不禁有點緊張。活動中，展鵬又為嘉賓模特兒比賽中的幸運兒配襯鑽飾，其中一位女士伸出無名指讓展鵬戴上指環，展鵬打趣地說無名指是留待結婚的時候為另一半戴上，現場傳來一片歡呼聲。被追問到感情事，展鵬道雖然感情重要，但男人四十一枝花，現階段會專注工作，嘗試不同的突破。