■薛家燕、李克勤、肥媽、露雲娜及陳潔靈等錄影《流行經典50年》。香港文匯報訊 (記者 梁靜儀) 薛家燕、李克勤、Maria Cordero（肥媽）、露雲娜及陳潔靈等，前晚於將軍澳電視城錄影《流行經典50年》，在節目大唱多首經典金曲。
克勤表示正忙於準備九月舉行的入行三十周年演唱會，將會為無綫拍攝音樂特輯，會返母校取景，他好想邀請陳慧嫻做特輯的嘉賓，因二人讀書時已認識，他說：「我係華仁，慧嫻係讀瑪利曼，大家在聯校活動表演唱歌，當時大家已經識，她當時的《少女雜誌》已瘋魔萬千少男，佢早我兩年入行。」談到張學友表示不參加內地歌唱節目，克勤表示有留意，並說：「每個人都有其喜好，冇話應唔應該，開心咪上節目囉，冇所謂。（評判認受性低？）家家有本難唸的經，每個歌手做每件事都有唔同原因，正如有人鍾意食牛肉，有人唔鍾意食。」
家燕姐推「薛家宴」套餐
剛由美國登台返港的家燕姐，主動提到近日有酒樓推出「薛家宴」套餐，連網民及吳業坤都以為是惡搞。家燕姐表示不是搞笑廣告，是她去年跟該酒樓合作，而「薛家宴」是對方的構思，她又笑說：「有網民就問係咪食薛家燕隻豬？唔係，係乳豬全體，大家唔好搞錯，同埋冰鎮鮑魚都係有得食，(可擔心被網友惡搞？)當宣傳囉！」她又笑謂若吳業坤去食，她會請對方食乳豬全體，還會送個十字步麵條。
肥媽的契仔陸浩明昨日三十八歲生日，問到契仔可有要她送禮物？肥媽笑說他不敢：「佢冇，我久唔久都有送嘢畀佢，我有廣告都叫埋佢拍，但佢有廣告就唔嗌埋我拍，佢話拍的廣告畀唔到錢我。」她謂早前一起開工時已送上生日蛋糕給契仔，又直言希望他早日成家立室：「成日食埋咁多補品，之前食完鮮奶燉花膠又嗌好累，快點生返個。」肥媽表示拍完《阿媽教落食平D》就會上郵輪登台，順道與老公及孫仔孫女去玩，六月就會拍攝一套網絡電影。