■金希澈識做冧粉絲。香港文匯報訊（記者 植植）韓國男團Super Junior（SJ）人氣成員金希澈昨早首度單拖來港，獲過百粉絲接機。金希澈下午現身於會展舉行的國際食品餐飲展，宣傳他代言的食品橫城韓牛，吸引大批粉絲圍觀。
金希澈現身時亦好識做，不停揮手、派心，又以廣東話「大家好」向粉絲打招呼。在宣傳活動上，金希澈除了為大家介紹韓牛的特色外，更應大會要求，穿上圍裙即場下廚煎牛扒給粉絲食，他更親自餵粉絲食牛，冧爆粉絲！金希澈說：「我平常自己一個人在家都會下廚，之前我都有煎過牛扒給SJ的成員食，他們都很喜歡的。而橫城韓牛又是我出生地之物，十分罕有，百食不厭。」
可惜金希澈需即日離港返韓繼續拍綜藝節目，未能跟好友邱淑貞見面，金希澈表示見不到對方都覺得好可惜：「其實因為其他行程問題，有諗過嚟唔到香港，不過太耐冇見港迷，所以特地抽空見吓粉絲，一陣就要趕飛機返去。（有冇見過邱淑貞大女沈月？）兩年前曾經同邱淑貞及其囡囡食飯、去迪士尼樂園玩，但唔清楚係大女定細女。之前去拍攝節目途中遇上交通意外，有收到邱淑貞囡囡的慰問message，我就影返張自拍畀佢表示冇事。」今次未能留香港享受美食，不過金希澈承諾會不時飛來港和見見粉絲。
